ഉമറലി ശിഹാബ്‌ തങ്ങളുടെ മയ്യിത്ത്‌ കബറടക്കി
മലപ്പുറം: കഴിഞ്ഞ ദിവസം അന്തരിച്ച കേരള വഖഫ്‌ ബോര്‍ഡ്‌ ചെയര്‍മാനും പണ്ഡിതനുമായ പാണക്കാട്‌ സയ്യിദ്‌ ഉമറലി ശിഹാബ്‌ തങ്ങളുടെ മയ്യിത്ത്‌ വന്‍ ജനാവലിയുടെ സാന്നിധ്യത്തില്‍ കബറടക്കി. സമൂഹത്തിന്റെ നാനാ തുറകളില്‍ നിന്നായി നിരവധിപേരാണ്‌ പാണക്കാട്ടെ നൂര്‍ മന്‍സിലിലേക്ക്‌ ഒഴുകിയെത്തിയത്‌.പള്ളി പുതിക്കിപണിയുന്നതിനെ തുടര്‍ന്ന്‌ വീട്ടില്‍ വെച്ചാണ്‌ മയ്യിത്ത്‌ നമസ്‌കാരം നടന്നത്‌. നിസ്‌ക്കാരത്തിന്‌ സഹോദരന്‍ പാണക്കാട്‌ മുഹമ്മദലി ശിഹാബ്‌ തങ്ങള്‍ നേതൃത്വം നല്കി. പലതവണയായി നടന്ന മയ്യിത്ത്‌ നിസ്‌ക്കാരങ്ങള്‍ക്ക്‌്‌ സഹോദരന്‍മാരുള്‍പ്പെടെ പ്രമുഖര്‍ നേതൃത്വം നല്കി. അഖിലേന്ത്യ സുന്നി ജംഇയ്യത്തുല്‍ ഉലമ ജനറല്‍ സെക്രട്ടറി കാന്തപുരം എ പി അബൂബക്കര്‍ മുസ്‌ലിയാര്‍, കേന്ദ്രമന്ത്രി ഇ അഹമ്മദ്‌, മന്ത്രി പാലൊളി മുഹമ്മദ്‌ കുട്ടി, സ്‌പീക്കര്‍ കെ രാധാകൃഷ്‌ണന്‍, എം പി മാരായ പി വി അബ്‌ദുല്‍ വഹാബ്‌, ടി കെ ഹംസ, എം എല്‍ എ മാരായ കെ കുട്ടി അഹമ്മദ്‌ കുട്ടി, വി കെ ഇബ്രാഹീം കുഞ്ഞ്‌, കെ മുഹമ്മദുണ്ണി ഹാജി, സി ടി അഹമ്മദലി, അബ്‌ദുറഹ്‌മാന്‍ രണ്ടത്താണി, അഡ്വ എം ഉമ്മര്‍, പി കെ അബ്‌ദുറബ്ബ്‌, കെ ടി ജലീല്‍, മഞ്ഞളാംകുഴി അലി, കാരന്തൂര്‍ മര്‍ക്കസ്‌ പ്രസിഡന്റ്‌ ഫസല്‍പൂക്കോയതങ്ങള്‍, എസ്‌ വൈ എസ്‌ സംസ്ഥാന പ്രസിന്റ്‌ പൊന്മള അബ്‌ദുര്‍ഖാദിര്‍ മുസ്‌ലിയാര്‍, മഅ്‌ദിന്‍ ചെയര്‍മാന്‍ സയ്യിദ്‌ ഇബ്‌റാഹീമുല്‍ ഖലീലുല്‍ ബുഖാരി, സമസ്ഥ കേരള ജംഇയ്യത്തുല്‍ മുഅല്ലിമീന്‍ സംസ്ഥാന പ്രസിഡന്റ്‌ സയ്യിദലി ബാഫഖി തങ്ങള്‍, സമസ്ഥ ജില്ലാ സെക്രട്ടറി പൊന്മള മൊയ്‌തീന്‍കുട്ടി ബാഖവി, കേരള ഹജ്ജ്‌ കമ്മിറ്റി ചെയര്‍മാന്‍ പ്രൊഫ. എ കെ അബ്‌ദുല്‍ ഹമീദ്‌, എസ്‌ വൈ എസ്‌ ജില്ലാ പ്രസിഡന്റ്‌ കൂറ്റമ്പാറ അബ്‌ദുര്‍റഹ്‌മാന്‍ ദാരിമി, സമസ്‌ത കേരള ജംഇയ്യത്തുല്‍ മുഅല്ലിമീന്‍ സംസ്ഥാന സെക്രട്ടറി അബൂ ഹനീഫല്‍ ഫൈസി തെന്നല, എസ്‌ വൈ എസ്‌ സംസ്ഥാന വൈസ്‌ പ്രസിഡന്റ്‌ സി മുഹമ്മദ്‌ ഫൈസി, സമസ്‌ത കേരള ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ്‌ കെ പി എച്ച്‌ തങ്ങള്‍, എസ്‌ വൈ എസ്‌ ജില്ലാ ജനറല്‍ സെക്രട്ടറി പി എം മുസ്‌തഫ മാസ്റ്റര്‍, എസ്‌ എസ്‌ എഫ്‌ ജില്ലാ ജനറല്‍ സെക്രട്ടറി എം എ മജീദ്‌, ഡി.വൈ.എഫ്‌.ഐ അഖിലേന്ത്യ പ്രസിഡന്റ്‌ പി ശ്രീരാമകൃഷ്‌ണന്‍, ഡി. സി.സി പ്രസിഡന്റുമാരായ യു അബൂബക്കര്‍, കെ സി അബൂ, സി.എം.പി നേതാവ്‌ എം വി രാഘവന്‍, സി പി ജോണ്‍, സംസ്ഥാന ഭവനനിര്‍മണ ബോര്‍ഡ്‌ ചെയര്‍മാന്‍ അഡ്വ. എം റഹ്‌്‌മത്തുള്ള, സി.പി.എം ജില്ലാ സെക്രട്ടറി കെ ഉമ്മര്‍ തുടങ്ങി പ്രമുഖര്‍ പരേതന്റെ ജനാസ സന്ദര്‍ശിച്ചു.
No comments:
Post a Comment